Siger borte mot Tingvoll.

Trenar Myklebust hadde enno ikkje kome seg heim etter to veker med solbleiking i det store utland.

Manager Godø måtte difor ta av seg silkehanskane og reise einsam på tur med ni fyrrige kvinnemenneske i ulik alder.

Dei heldige var: Eva Tangen, som nektar å spele utan hanskar og som av den grunn er sett til å passe målet. Inger Kristin Ovesen var og denne gongen sett til å styre skuta, og vart det ein på fagspråket kallar kaptein.
Therese Eikrem Klauset og Malla Randi Raknes hadde og krangla seg med på tur. Inga Dyrset og Iren Nordal hadde og lyst på ein lengre biltur. Og til slutt må vi ikkje gløyme leigesoldatane frå jenter 16: Kristin "Panser" Opstad, Mia "Messi" Tangen og cornerspesialist Frida Stormyr.

Underteikna sat som nevnt og kosa seg på buss frå Oslo til Molde, men fekk kontinuerleg oppdatering frå manager med ein gong kampen var ferdig.

Midsund gjekk til pause med 2-0 etter to heilt fantastiske mål.

Etter pause kom det to nye perlemål i eliteklassen før dommar rakk å blåse av kampen.

Dei som var mest involverte i måla var Iren Nordal som laga to mål, Inga Dyrset sette sin signatur på eitt og Mia Tangen som heilt sikkert gav mamma Eva ein tåre i augekroken med sin fulltreffar. Eva kjem sikkert til å forsvare tårevåte auge med ei låg kveldssol.

Uansett flott med ein siger og nye tre poeng til damene som etter vår meining har dei finaste draktene og spelar den vakraste festfotballen.