MIL Fotball stiller sesongen 2011 med 12 lag i seriesystemet. I tillegg kjem 6- 8 års laget som skal delta på cupar og turneringar.

På jente- og damesida er det 7àr fotball som blir spela, medan det på gutte- og herresida er 11àr. A-laget stiller i år i den regionale 3. divisjon, mens G14 og G16 begge stiller 11èr lag i 2.divisjon.

Vi oppfordrar alle fotballvenner til å møte opp på Midsund sine kampar uansett klasse og alder.

Midsund IL Fotball legg vekt på utøvelsen av Fair-Play både på og utanfor bana, og er stolte av at vi etter sesongen 2010 fekk klubben NFF`s Fair-play pris.

Vi vil og takke alle dei frivillige som tek på seg verv i klubben, som trenarar, lagleiarar, banemannskap, billettørar, speakerar og draktvaskarar. Utan desse hadde vi ikkje klart å oppretthalde den aktiviteten vi har i dag. Tusen takk!

Styret takkar og trofaste tribuneslitarar for flott engasjement år etter år.

Til slutt vil MIL Fotball nytte høvet til å takke våre sponsorar for flott samarbeid. MIL Fotball har ein sunn økonomi. det skal i første rekkje kome dei aktive til gode.

Lykke til med sesongen 2011!

STYRET.